බස්නාහිර උතුර – පිටත පිලට ලකුණු 114 ක ජයක්

ශ්‍රී ලංකා ක්‍රිකට් ආයතනය සංවිධානය කරන වයස 15 න් පහළ ප්‍රිමා කුසලාන අන්තර් පළාත් ක්‍රිකට් තරගාවලියේදී වයඹ පළාත් කණ්ඩායම පරදවා ලකුණු 114 කින් ජය ගැනීමට බස්නාහිර පළාත් උතුර (පිටත) කණ්ඩායම අද (20 වැනිදා) සමත්විය. මෙම තරගය කුරුණෑගල මලියදේව ක්‍රීඩාංගණයේදී පැවැත්විණ.

ශෙනාස් සංදීප (60) සහ පසිඳු ශාර්මන් (54) අර්ධ ශතක රැස්කරමින් පිත්තෙන් දස්කම් දැක්වූහ.


බස්නාහිර පළාත් උතුර (පිටත) – ඕවර 50 කදී සියලු දෙනා දැවී ලකුණු 249
(ශෙනාස් සංදීප 60, පසිඳු ශාර්මන් 54, සහන් කෝසල 40, හංසජ ඉල්හාන් 24, සිහින සිතුමිණ 23, අංජන
සිරිවර්ධන 40/3, කාවින්ද ඉෂාර 45/3, රිෂී අදිෂ්තාන් 36/2)

වයඹ පළාත – ඕවර 50 කදී කඩුලු 9 ක් දැවී ලකුණු 135
(රිෂී අදිෂ්තාන් 25, ශෙවෝන් ජොනතන් 20, සිහින සිතුමිණ 24/2)

 

මහේල උඩවත්තගෙන් ශතකයක්

වෙළඳ සේවා ක්‍රිකට් සංගමය සංවිධානය කරන ලීග් ක්‍රිකට් තරගාවලියේ ‘ඒ’ කොටසේ තරගයකදී සම්පත් බැංකු පිල පරදවා ලකුණු 136 ක ජයක් අත්කර ගැනීමට මාස් යුනිචෙලා පිල අද (20 වැනිදා) සමත්විය. මෙම තරගය කෝල්ට්ස් ක්‍රීඩාංගණයේදී පැවැත්විණි.

මහේල උඩවත්ත පන්දු 107 කදී හතරේ පහර 11 ක් සමගින් ලකුණු 101 ක් රැස්කළ අතර තිලකරත්න ඩිල්ශාන් (51) අර්ධ ශතකයක් රැස්කිරීමට සමත්විය.

සම්පත් බැංකු පිල වෙනුවෙන් කසුන් රාජිත ලකුණු 34 කට කඩුලු 4 ක් දවාගනිමින් පන්දුවෙන් දස්කම් දැක්වීය.


මාස් යුනිචෙලා – ඕවර 50 කදී කඩුලු 9 ක් දැවී ලකුණු 267
(මහේල උඩවත්ත 101, තිලකරත්න ඩිල්ශාන් 51, කසුන් රාජිත 34/4, තරිඳු කෞශාල් 50/2)

සම්පත් බැංකුව – ඕවර 32.5 කදී සියලුදෙනා දැවී ලකුණු 131
(තරිඳු කෞශාල් 48, රොමේෂ් බුද්ධික 33, ශෙහාන් මදුශංක 23/3, චතුරංග ද සිල්වා 15/2, දුවිඳු තිලකරත්න 15/2)

 

චමෝද් වික්‍රමසිංහගෙන් ශතකයක්

ශ්‍රී ලංකා ක්‍රිකට් ආයතනය සංවිධානය කරන වයස 15 න් පහළ .ප්‍රිමා. කුසලාන අන්තර් පළාත් ක්‍රිකට් තරගාවලියේදී උතුරු මැද පළාත් කණ්ඩායම පරදවා ලකුණු 120 ක ජයක් හිමිකර ගැනීමට මධ්‍යම පළාත් කණ්ඩායම අද (20 වැනිදා) සමත්විය. මෙම තරගය අනුරාධපුර නගරසභා ක්‍රීඩාංගණයේදී පැවැත්විණ.

චමෝද් වික්‍රමසිංහගේ (117) ශතකයත් අභිෂේක් කුමාර් (62) අර්ධ ශතකයත් හේතුවෙන් මධ්‍යම පළාත් කණ්ඩායමට ඉහළ ලකුණු සංඛ්‍යාවක් කරා යෑමට අවස්ථාව උදාවිය.


මධ්‍යම පළාත – ඕවර 50 කදී කඩුලු 8 ක් දැවී ලකුණු 278
(චමෝද් වික්‍රමසිංහ 117, අභිෂේක් කුමාර් 62, දිලේෂ සඳරුවන් 56/3, කවිඳු ඒකනායක 57/2)

උතුරු මැද පළාත – ඕවර 43.3 කදී සියලු දෙනා දැවී ලකුණු 158
(මනීෂ රුක්ෂාන් 42, සමිත් සුපුන්තන 31, කවිඳු ඒකනායක නොදැවී 25, චමෝද් වික්‍රමසිංහ 14/3, සත්සර නවෝද් 13/2, තුෂාර හේරත් 19/2)

 

මාස් සිලූටා පිලට ලකුණු 119 ක ජයක්

වෙළඳ සේවා ක්‍රිකට් සංගමය සංවිධානය කරන ලීග් ක්‍රිකට් තරගාවලියේ ‘බී’ කොටසේ තරගයකදී ජෝන් කීල්ස් ‘බී’ කණ්ඩායම පරදවා ලකුණු 119 ක ජයක් අත්කර ගැනීමට මාස් සිලූටා ‘ඒ’ කණ්ඩායම අද (20 වැනිදා) සමත්විය. මෙම තරගය මූවර්ස් ක්‍රීඩාංගණයේදී පැවැත්විණි.

විශිෂ්ට පිතිහරඹයක නිරතවූ දෙනුවන් රාජකරුණාගේ (නොදැවී 117) ශතකයත්, ඇන්ජලෝ එම්මානුවෙල් (32/4) සහ බුද්ධික සංජීවගේ  (24/3) පන්දු යැවීමත් හමුවේ මාස් සිලූටා ‘ඒ’ කණ්ඩායමට ජය හිමිවිය. චරණ නානායක්කාරද (63) ශතකයක් රැස්කරමින් පිත්තෙන් දස්කම් දැක්වීය.

ජෝන් කීල්ස් ‘බී’ කණ්ඩායම වෙනුවෙන් කවින් බණ්ඩාර (නොදැවී 76) අර්ධ ශතකයක් රැස්කරමින් පිත්තෙන්ද අක්තාබ් කාදර් කඩුලු 4 ක් දවාගනිමින් පන්දුවෙන්ද දස්කම් දැක්වූහ.

මාස් සිලූටා – ඕවර 50 කදී කඩුලු 9 ක් දැවී ලකුණු 256
(දෙනුවන් රාජකරුණා නොදැවී 117, චරණ නානායක්කාර 63, ඇන්ජලෝ එම්මානුවෙල් 25, අක්තාබ් කාදර් 54/4, නුවන් තුෂාර 47/2)

ජෝන් කීල්ස් ‘බී’ – ඕවර 36.1 කදී සියලුදෙනා දැවී ලකුණු 137
(කවින් බණ්ඩාර නොදැවී 76, මනෝජ් සරත්චන්ද්‍ර 30, ඇන්ජලෝ එම්මානුවෙල් 32/4, බුද්ධික සංජීව 24/3, රොමේෂ් සිල්වා 23/2)

දකුණු පළාතට කඩුලු 3 ක ජයක්

ශ්‍රී ලංකා ක්‍රිකට් ආයතනය සංවිධානය කරන වයස 15 න් පහළ ප්‍රිමා කුසලාන අන්තර් පළාත් ක්‍රිකට් තරගාවලියේදී නැගෙනහිර පළාත් කණ්ඩායම පරදවා කඩුලු 3 කින් ජය ගැනීමට දකුණු පළාත් කණ්ඩායම අද (20 වැනිදා) සමත්විය. මෙම තරගය රත්ගම මහජන ක්‍රීඩාංගණයේදී පැවැත්විණ.

කුෂාන් මදුශංක ලකුණු 15 කට කඩුලු 4 ක් දවාගනිමින් පන්දුවෙන් දස්කම් දැක්වීය.


නැගෙනහිර පළාත – ඕවර 45.2 කදී සියලු දෙනා දැවී ලකුණු 126
(පසිදු දිල්හාර 52, කුෂාන් මදුශංක 15/4, නවෝද් පරණවිතාන 13/2, සුධීර වීරරත්න 18/2)

දකුණු පළාත – ඕවර 29.1 කදී කඩුලු 7 ක් දැවී ලකුණු 127
(හිරන්ත ජයසිංහ 40)

 

කොමර්ෂල් ක්‍රෙඩිට් පිලට කඩුලු 5 ක ජයක්

වෙළඳ සේවා ක්‍රිකට් සංගමය සංවිධානය කරන ලීග් ක්‍රිකට් තරගාවලියේ ‘ඒ’ කොටසේ තරගයකදී කැන්රිච් ෆිනෑන්ස් ‘ඒ’ කණ්ඩායම පරදවා කඩුලු 5 ක ජයක් අත්කර ගැනීමට කොමර්ෂල් ක්‍රෙඩිට් ‘ඒ’ කණ්ඩායම අද (20 වැනිදා) සමත්විය. මෙම තරගය වෙළඳ සේවා ක්‍රීඩාංගණයේදී පැවැත්විණි.

කැන්රිච් ෆිනෑන්ස් ‘ඒ’ කණ්ඩායමේ කවිඳු කුලසේකර (54) අර්ධ ශතකයක් ලබාගත් අතර ප්‍රමෝද් මදුශාන් ලකුණු 30 කට කඩුලු 3 ක් දවාගැනීමට සමත්විය. වනිඳු හසරංග (නොදැවී 63) අර්ධ ශතකයක් සහ ළහිරු මදුශංක ලකුණු 13 කට කඩුලු 3 ක් දවාගනිමින් කොමර්ෂල් ක්‍රෙඩිට් ‘ඒ’ කණ්ඩායමට ජයග්‍රහණය ලබාදීමට සමත්වූහ.

කැන්රිච් ෆිනෑන්ස් – ඕවර 40.2 කදී සියලුදෙනා දැවී ලකුණු 153
(කවිඳු කුලසේකර 54, අලංකාර අසංක 24, ළහිරු මදුශංක 13/3, වනිඳු හසරංග 26/2, අසිත ප්‍රනාන්දු 27/2)

කොමර්ෂල් ක්‍රෙඩිට් – ඕවර 22.1 කදී කඩුලු 5 ක් දැවී ලකුණු 154
(වනිඳු හසරංග නොදැවී 63, උපුල් තරංග 38, ඉමේෂ් උදයංග 29, ප්‍රමෝද් මදුශාන් 30/3)

මැතිව්ස්ට පළමු ටෙස්ට් තරගය අහිමි වෙයි

ශ්‍රී ලංකාව සහ පාකිස්තානය අතර එක්සත් අරාබි එමීර් රාජ්‍යයේදී පැවැත්වෙන පළමු ටෙස්ට් තරගය ශ්‍රී ලංකා පිලේ හිටපු නායක ඇන්ජලෝ මැතිව්ස්ට අහිමි වන බව වාර්තාවේ. පුහුණුවීම් වලදී ඔහුගේ පාදයේ බත්කෙණ්ඩේ ආබාධය නැවතත් ඉස්මතු වීම ඊට හේතුවයි.

ශ්‍රී ලංකා ටෙස්ට් පිලේ ප්‍රබලතම පිතිකරුවන් වන අසේල ගුණරත්න සහ කුසල් ජනිත් පෙරේරා දෙදෙනාම තවමත් තුවාල ලයිස්තුවේ සිටීමත් වඩාත් පළපුරුදු පිතිකරුවකු වන උපුල් තරංග මාස හයක කාලයක් සඳහා ටෙස්ට් පිටියෙන් ඉවත්ව සිටීමත් නිසා මැතිව්ස්ගේ ආබාධය ශ්‍රී ලංකා පිලට බලවත් පාඩුවක් වී තිබේ.

“ඒක පරණ ආබාධයම තමයි, ඒත් එච්චර බරපතළ නෑ…බොහෝ වෙලාවට දෙවැනි ටෙස්ට් තරගය වෙනකොට මට සෙල්ලම් කරන්න පුළුවන් වෙයි” යයි ඇන්ජලෝ මැතිව්ස් පැවසීය.

පාකිස්තානයට එරෙහි තරගාවලිය සඳහා ශ්‍රී ලංකා කණ්ඩායම ලබන ඉරිදා (24 වැනිදා) පිටත්ව යන අතර පළමු ටෙස්ට් තරගය 28 වැනිදා ආරම්භ වෙයි.  

මේ වසර මුලදී දකුණු අප්‍රිකාවේ තරග කරමින් සිටියදීත් මෙම කලව පිටුපස ආබාධය ඉස්මතු වීම හේතුවෙන් මැතිව්ස්ට අන්තර්ජාතික තරග කිහිපයක්ම අහිමි විය. ශුරයන්ගේ කුසලාන තරගාවලියේදී නැවතත් කණ්ඩායම මෙහෙයවීමට ඉදිරිපත් වූ මැතිව්ස්ගේ ආබාධය යළි මතුවීම නිසා දකුණු අප්‍රිකාවට එරෙහි තරගය ඔහුට අහිමි විය.

තරගාවලියට සහභාගිවන 15 දෙනකුගෙන් යුත් සංචිතය තවමත් නම්කර නැත.

 

ජාතික ඔරු පැදීමේ තරගාවලිය හෙට සිට

ජාතික ඔරු පැදීමේ තරගාවලිය හෙට (21දා) සිට 23 දින දක්වා රාජගිරිය දියවන්නා ඔයේදී පැවැත්වෙයි. ශ්‍රී ලංකා ආධුනික ඔරුපැදීමේ සංගමය විසින් සංවිධානය කරනු ලබන මෙම තරගාවලිය වසරේ ප්‍රධානතම ඔරු පැදීමේ තරගාවලියයි.

ආධුනික ඔරුපැදීමේ සංගමය විසින් ජාතික ඔරුපැදීමේ තරගාවලියක් දියවන්නා ඔයේදී පවත්වනු ලබන පළමු අවස්ථාව මෙය වන අතර ඉදිරියේදී එය ඔරු පැදීමේ තරග සඳහා ප්‍රධානතම ස්ථානයක් බවට පත්කිරීම ඔරු පැදීමේ සංගමයේ අපේක්‍ෂාවයි.

දින තුනක තරගාවලියක් වන ජාතික ඔරුපැදීමේ තරගාවලියට දැනටමත් ක්‍රීඩකයෝ සහ ක්‍රීඩිකාවෝ 350 කට අධික සංඛ්‍යාවක් ඉදිරිපත්වී සිටිති. තරග නිලධාරින් සහ කාර්ය මණ්ඩලය සමග ගත් විට දියවන්නා ඔරුපැදීමේ මධ්‍යස්ථානය 1000 කට අධික පුද්ගලයන් පිරිසකගෙන් පිරි යනු ඇත. මේ අවශ්‍යතා සපුරාලීම සඳහා එම ස්ථානයේ කූඩාරම් ගණනාවක් ඉදි කිරීමට ඔරු පැදීමේ සංගමය කටයුතු කර ඇත්තේ එහි ස්ථීර ගොඩනැඟිලි තවමත් ඉදිකෙරෙමින් පවතින බැවිනි. එසේවුවත් ක්‍රීඩකයන්ට, ඔවුන්ගේ ඔරුවලට සහ නිලධාරීන්ට අවශ්‍ය පහසුකම් දැනටමත් එහි ස්ථාපිත කර තිබේ.

ජාතික ඔරුපැදීමේ තරගාවලියේ සංවිධායක කමිටුවේ ජ්‍යෙෂ්ඨ සාමාජිකයකු වන සිතිර වික්‍රමසේකර මහතා පවසා සිටියේ  අන්තර්ජාතික තරග කොන්දේසිවලට අනුව මේ තරගාවලිය පැවැත්වීමට සියලු කටයුතු යොදා ඇති බවයි. දියවන්නා ඔයේ ඔරු පැදීමේ තරග සඳහා මීටර් 2000 ක දුර ප්‍රමාණයක මංතීරු හතරක්  භාවිතා කෙරේ.

මෙම තරගාවලියට තරග ඉසව් 72ක් ඇතුළත්ය. සැම තරගයක්ම දියත උයන ආශ්‍රිතව ආරම්භ කෙරෙන අතර රාජගිරිය දෙසින් දියවන්නා ඔයේ ඔරුපැදීමේ මධ්‍යස්ථානය අසළින් නිමාවට පත්වන්නේ කිලෝමීටර් 2 ක දුරක් සම්පූර්ණ කරමිනි.

ත්‍රිවිධ හමුදා, ප්‍රධාන පෙලේ විශ්ව විද්‍යාල, රාජ්‍ය සහ පුද්ගලික අංශයේ කණ්ඩායම් මෙන්ම සහ ජාත්‍යන්තර පාසල් ආදි කණ්ඩායම් 17 ක් මෙවර තරගාවලියට එක්වී සිටිති. එසේ වුවත් මේ තරගාවලියට බලසම්පන්න අනුග්‍රහකයකු ඉදිරිපත් නොවීම කැපී පෙනේ.

ජාතික ඔරුපැදීමේ තරගාවලිය ශ්‍රී ලංකා ඔරුපැදීමේ සංගමයේ වාර්ෂික තරග කැලැන්ඩරයේ අවසන් ප්‍රධානතම තරගාවලිය වේ.


- 077

 

පුබුදු පිත්තෙන්, රවිඳු පන්දුවෙන් දස්කම් දක්වති

‘සිංගර් කුසලාන’ වයස 19 න් පහළ ක්‍රිකට් තරගාවලියේ තෙවැනි කොටසේ තරගයකදී නුගේගොඩ ශාන්ත ජෝන් විද්‍යාලයට එරෙහිව පළමු ඉනිමේ ජයක් ලබාගැනීමට පානදුර මහනාම විද්‍යාලය ඊයේ (19 වැනිදා) සමත්විය. මෙම තරගය බණ්ඩාරගම මහජන ක්‍රීඩාංගණයේදී පැවැත්විණි.

පානදුර මහනාම විද්‍යාලයේ පුබුදු රෙශාන් (නොදැවී 121) ශතකයක් රැස්කරමින් පිත්තෙන් දස්කම් දැක්වූ අතර රවිඳු නෙත්පහන් ලකුණු 70 කට කඩුලු 8 ක් දවාගනිමින් තරගය පුරා පන්දුවෙන් දස්කම් දැක්වීය.

මහනාම විද්‍යාලය – පළමු ඉනිම – ඕවර 74.5 කදී සියලුදෙනා දැවී ලකුණු 193
(පුබුදු රෙශාන් නොදැවී 121, හිරූෂ සංදීප 32/4, තරූෂ සඳරුවන් 59/3)

ශා. ජෝන් විද්‍යාලය – පළමු ඉනිම – ඕවර 25.2 කදී සියලුදෙනා දැවී ලකුණු 90
(හිරූෂ සංදීප 31, රවිඳු නෙත්පහන් 12/4, ඩිල්ෂාන් මදුශංක 34/3)

මහනාම විද්‍යාලය – දෙවැනි ඉනිම – ඕවර 42 කදී කඩුලු 9 ක් දැවී ලකුණු 106
(රන්දුල දසුන් 29, මිතිල පූර්ණජිත් 50/3, හිරූෂ සංදීප 10/2, අශේන් මිලින්ද 19/2)

ශා. ජෝන් විද්‍යාලය – දෙවැනි ඉනිම – ඕවර 40 කදී කඩුලු 7 ක් දැවී ලකුණු 165
(නුරාජ් ප්‍රසංග 55, අශේන් මිලින්ද 35, හිරූෂ සංදීප 32, සදීශාන් චමෝද් 29, රවිඳු නෙත්පහන් 58/4)

අයන සිරිවර්ධනගෙන් ශතකයක්

‘සිංගර් කුසලාන’ වයස 19 න් පහළ ක්‍රිකට් තරගාවලියේ පළමු කොටසේ තරගයකදී කොළඹ ඩි.එස්.සේනානායක විද්‍යාලයට එරෙහිව පළමු ඉනිමේ ජයක් ලබාගැනීමට කොළඹ ඉසිපතන විද්‍යාලය ඊයේ (19 වැනිදා) සමත්විය. මෙම තරගය කෝල්ට් ක්‍රීඩාංගණයේදී පැවැත්විණි.

ඉසිපතන විද්‍යාලය වෙනුවෙන් ශතකයක් (101) ලබාගනිමින් පිත්තෙන් දස්කම් දැක්වූ අයන සිරිවර්ධන ලකුණු 10 කට කඩුලු 2 ක් දවාගනිමින් පන්දුවෙන්ද දස්කම් දැක්වූයේය. ශමිල්ක වික්‍රමතිලක අර්ධ ශතකයක් (71) ලබාගත් අතර සංජුල බණ්ඩාර ලකුණු 35 කට කඩුලු 5 ක් දවාගනිමින් පන්දුවෙන් දස්කම් දැක්වීය.
ඩි.එස්.සේනානායක විද්‍යාලයේ විහාන් ගුණසේකර (70) සහ මුදිත ලක්ෂාන් (54) අර්ධ ශතක රැස්කිරීමට සමත්වූහ.

ඉසිපතන විද්‍යාලය – පළමු ඉනිම – ඕවර 77.1 කදී සියලුදෙනා දැවී ලකුණු 278
(අයන සිරිවර්ධන 101, ශමිල්ක වික්‍රමතිලක 71, ලෙශාන් අමරසිංහ 39, සනදරු චන්දිත 20/2, රුවින් පීරීස් 20/2)

ඩි.එස්.සේනානායක විද්‍යාලය – පළමු ඉනිම – ඕවර 50.4 කදී සියලුදෙනා දැවී ලකුණු 118
(රුවින් පීරීස් 28, සංජුල බණ්ඩාර 35/5, අයන සිරිවර්ධන 10/2, ළහිරු ඩිල්ශාන් 11/2)

ඩි.එස්.සේනානායක විද්‍යාලය – දෙවැනි ඉනිම – ඕවර 53 කදී කඩුලු 7 ක් දැවී ලකුණු 183
(විහාන් ගුණසේකර 70, මුදිත ලක්ෂාන් 54, ඊශාන් ප්‍රනාන්දු 21/2, මදුශික සඳරුවන් 38/2, ළහිරු ඩිල්ශාන් 38/2)